28 августа 2026 Актывісты філіяла "Мінская друкарня" "Белая Русь" прынялі ўдзел у чарговай пляцоўцы інфармацыйнага праекта "Жаночыя асобы сталіцы", прысвечаным тэме "Жанчыны ў прафесіі". Госці - сапраўдныя гераіні нашага часу, кожная з якіх даказвае: для жанчыны няма недасяжных вышынь, няхай гэта будзе неба, баксёрскі рынг, архітэктура ці штурвал гарадскога аўтобуса. Сустракайце гераінь праекта: - Алена Сталькова, чэмпіён свету ў групавых скачках на дакладнасць прызямлення, бронзавы прызёр чэмпіянату свету ў асабістым заліку на дакладнасць прызямлення, чэмпіён Еўропы ў групавых скачках на дакладнасць прызямлення, майстар спорту міжнароднага класа, інструктар парашутна-дэсантнай падрыхтоўкі; - Таццяна Кудрук, ганаровы донар Рэспублікі Беларусь, земляроб ліцейнага цэха № 1 ААТ "Мінскі трактарны завод"; - Карына Аляксандрава, майстар спорту Рэспублікі Беларусь па кікбоксінгу, уладальніца Кубка свету сярод юніёраў, каскадзёр і актрыса кіно; - Крысціна Спірыдовіч, удзельнік міжнародных спаборніцтваў вадзіцеляў, неаднаразовы прызёр конкурсу "Мінскі майстар", вадзіцель аўтобуса філіяла "Аўтобусны парк № 5" ДП "Мінсктранс"; - Галіна Левіна, лаўрэат Дзяржаўнай прэміі Рэспублікі Беларусь, член праўлення Беларускага Саюза архітэктараў, дырэктар Творчай майстэрні архітэктара Левіна Л. М., архітэктар, мастак, аўтар паэтычных зборнікаў. Гэтыя жанчыны натхняюць, захапляюць і даказваюць: поспех нараджаецца там, дзе ёсць любоў да сваёй працы, смеласць і імкненне развівацца!
Бел
Рус
