29 декабря 2025 Напярэдадні Новага года, у філіяле "Мінская друкарня" панавала па-сапраўднаму святочная і цёплая атмасфера. Адміністрацыя прадпрыемства сумесна з першаснай прафсаюзнай арганізацыяй падрыхтавалі цудоўны сюрпрыз для самых юных членаў вялікай друкарскай сям'і — салодкія падарункі для дзяцей супрацоўнікаў. Гэта добрая традыцыя ўжо шмат гадоў з'яўляецца часткай карпаратыўнай культуры прадпрыемства. Яна падкрэслівае, што "Мінская друкарня" — гэта не проста праца, а вялікая супольнасць, дзе шануюць уклад кожнага работніка і клапоцяцца аб дабрабыце яго сям'і.