13 ноября 2023 З 30 кастрычніка па 3 лістапада праходзілі навучальныя курсы маладзёжнага прафсаюзнага актыву на базе дома адпачынку "Лагойскі". Тэма курсаў мае назву «Нацыянальная бяспека і электаральны суверэнітэт Рэспублікі Беларусь. Роля прафсаюзаў у выбарчым працэсе». Курсы сабралі прадстаўнікоў трох галіновых прафсаюзаў: аграпрамысловы комплекс, гандаль і адукацыю. Ад нашай друкарні навучанне прайшла інжынер службы маркетынгу Станевіч Дар'я Сяргееўна. Для ўдзельнікаў была падрыхтавана насычаная праграма: лекцыі і трэнінгі, якія праводзілі выкладчыкі БДУ, Акадэміі кіравання пры Прэзідэнце Рэспублікі Беларусь, медыяэксперты, палітычныя аглядальнікі і дзяржаўныя служачыя. Серада на курсах заўсёды выязны дзень, таму ў рамках культурнай праграмы ўдзельнікі наведалі аглядную экскурсію па горадзе Мінску, экскурсію ў Беларускі дзяржаўны музей гісторыі Вялікай Айчыннай вайны, на прадпрыемства "Рэгула" (найбуйнейшы вытворца экспертных прадуктаў для праверкі сапраўднасці дакументаў, грашовых знакаў і каштоўных папер ). Дзень завяршыўся танцавальным шоу ў Палацы культуры МАЗ. Усе ўдзельнікі курсаў несумненна атрымалі шмат новых ведаў, і досведу, якія будуць выкарыстоўвацца ў далейшым пры працы з моладдзю, а таксама атрымалі мноства станоўчых эмоцый!