24 августа 2023 Наш работнік наведаў маладзёжны форум ПрафРухOk.by, які праходзіў пад дэвізам "Разам да міру і стварэння". Форум сабраў маладых прадстаўнікоў 15 галіновых прафсаюзаў. Гэта аказаўся вельмі карысны вопыт для ўсіх удзельнікаў, т.я. адбыўся абмен досведам і ведамі. Удзельнікаў форуму падзялілі на 4 каманды. Кожны дзень на форуме быў напоўнены разнастайнасцю актыўнасцей, накіраваных на развіццё якасцей як асобасных, так і працы ў камандзе. Таксама падчас форуму прафактывісты наведалі буйныя прадпрыемствы і арганізацыі, такія як «МІТРА», «Выдавецтва «Беларускі Дом друку», «Камунарка», «Менскі завод колавых цягачоў». Каманда з удзелам работніка друкарні наведала “Выдавецтва “Беларускі Дом друку”. На працягу ўсяго форуму праводзілася навучанне моладзі сацыяльнаму праектаванню, дзелавыя гульні на тэму: "Праект: ад ідэі да выніку", мэта якога палепшыць і мадэрнізаваць работу прафсаюзаў з прыцягненнем да яе моладзі. Ад нашай друкарні ў форуме ўдзельнічаў машыніст высекальна штамповачнай машыны Клімаў Мікіта Алегавіч. Ад форума засталіся самыя прыемныя ўражанні і шмат новага досведу.
Бел
Рус
