27 июня 2023 Штогод у апошнюю нядзелю чэрвеня Беларусь адзначае Дзень моладзі і студэнцтва — свята творчасці і натхнення, энергіі і запалу, спазнання і самасцвярджэння, кахання і рамантыкі. У гонар "Дня моладзі" для калектыву РДПУП "Мінская друкарня" 25 чэрвеня 2023 года была арганізавана і праведзена квэст-гульня па матывах сусветна вядомага тэлешоу "Форт Баярд" у крэпасці XIX стагоддзя горада Бабруйска. Шоу-квест складаўся з фізічна-спартыўных, інтэлектуальных і заданняў на камандную згуртаванасць. У гульні прынялі ўдзел 4 каманды, якія з годнасцю пераадолелі ўсе выпрабаванні за кошт згуртаванасці, фізічнай актыўнасці і цягавітасці, умеласці і кемлівасці, Таксама ўдзельнікі пазнаёміліся з гісторыяй Бабруйскай крэпасці, будаўніцтва якой было распачата ў 1810 годзе. Крэпасць адыграла істотную ролю ў Айчыннай вайне 1812 года. У 2002 годзе помнік гісторыі і архітэктуры "Бабруйская крэпасць" быў унесены ў Дзяржаўны спіс гісторыка-культурных каштоўнасцей Рэспублікі Беларусь і аднесены да каштоўнасцей рэспубліканскага значэння.